|
Viðtalið tók Kristján Jóhann Bjarnason
Að vera ung Ég átti heima á Stöð á Stöðvarfirði. Ég fæddist 22. febrúar árið 1926. Pabbi minn var frá Stöð en mamma var frá Gestsstöðum á Fáskrúðsfirði. Pabbi var bóndi og mamma var húsmóðir. Við vorum fimm á heimilinu. Húsið var þrjár hæðir, kjallari, miðhæð og loft. Það var mjög gaman að vera barn. Ég var oft á hesti með pabba að sinna kindunum. Ég vann ýmis störf, hugsaði um kindurnar, þvoði þvott, þvoði gólf og margt fleira. Við krakkarnir lékum okkur oft í útilegumannaleik, stórfiskaleik, feluleik og í boltaleikjum t.d. yfir. Við áttum bolta og brúður og margt fleira. Ég man alltaf eftir því þegar vinnukonan lokaði mig einu sinni inni í búri þegar ég var óþæg, þá var ég þriggja ára.
Fermingin Ég fermdist í kirkjunni á Stöðvarfirði. Ég og Borghildur vinkona mín fermdust saman. Ég gekk til spurninga frá Stöð út í þorp. Ég þurfti að læra nokkuð marga sálma og Kverið. Í fermingargjöf fékk ég slæðu, veski, skáldsögu og ljóðabók. Það var haldin smá veisla í Stöð. Í veislunni voru fínar tertur, súkkulaði og kökur. Gestir voru þar nokkrir.
Barnaskólinn Það var bara einn skóli, með einum kennara sem einnig var skólastjóri. Mér líkaði ágætlega í skólanum en fannst hundleiðinlegt í leikfimi. Í skólanum, lærðum við landafræði, biblíusögur, náttúrufræði, dönsku, íslensku, málfræði, réttritun, reikning, teikningu og leikfimi. Skólinn var frá níu á morgnana til klukkan tólf og stundum einnig eftir hádegi. Ég var í skóla í eitt og hálft ár í allt. Reyndar kenndu pabbi og mamma mér líka. Skólinn byrjaði í september og var út apríl.
|
Viðtal
við Stefaníu Sigurbjörnsdóttur