Heimkoman

 

Minn hugur margar geymir

myndir um liðna tíð

til móður minnar renni huga til.

Með verndarhendi hlífði

mér hugljúf, sönn og blíð

um æsku minnar stutta tímabil.

 

Á hlaðinu forna heima

ég hinkraði ögn við

en móðir mín mér sæl í móti tók.

Ég aftur fann til ylsins

og æskunnar heyrði nið

sem aðeins geymir innsta hugarbók.

 

Ó, það er gott að halda heim

að hitta vini forna og á ný að kynnast þeim.

Já, það er gott

Já, það er gott

Já, það er gott að halda heim.

 

Um mig sælustraumur streymdi

er stóð ég það á ný

og móður minnar armar þrýstu mig.

Ég mömmu þrýsti á móti

mér mætti elskan hlý

er ég vildi nú að einnig léki‘ um þig.

 

Ó, það er gott að halda heim

að hitta vini forna og á ný að kynnast þeim.

Já, það er gott

Já, það er gott

Já, það er gott að halda heim.

 

Lag: Þorvaldur Friðriksson

Texti: Ellert Borgar

- Til baka -