|
Bærinn minn
Sólardagur – sléttur fjörður skartar himinn blár. Tindur fagur – tryggur vörður tígulegur, hár. Morgunblærinn blíður strýkur bæinn vekur undur blítt. Góður dagur gleðiríkur gefur öllum upp á nýtt: vinnu næga og vinahug víða má sjá dáð og dug á Eskifirði í blíðum blæ, byggðarlagi fögru út við ysta sæ.
Lifnar bærinn – lífið titrar ljúfan snertir streng. Merlar særinn – lækur sytrar, sjá má stúlku og dreng. Bærinn undir bröttum hlíðum, býður skjól sitt sérhvern dag. Hvergi má í heimi víðum hlýrra finna sólarlag. Andblæ mildan ætíð finn umvefur mig kvöldroðinn, á Eskifirði í blíðum blæ, byggðarlagi fögru út við ysta sæ.
Lag: Óli Fossberg Texti: Ellert Borgar
|